Осы орайда Химиялық технология және экология кафедрасында «ЖОО педагогтардың экологиялық құзыреттілігін жоғарылату» тақырыбында республикалық ғылыми-әдістемелік семинар өтті.

Семинарға университет басшылығы, профессор-оқытушылар құрамы мен студенттері қатысты. Жиынды Инженерлік-технологиялық факультетінің деканы Ж.Тохтаров ашып, Қазақстанның экологиялық проблемалары және оларды шешу жолдары ғаламдық міндеттер қатарында екендігін айтты.

Экологиялық және педагогикалық құзыреттілік әлеуметтік практиканың көптеген салаларында сұранысқа ие,- дейді ұйымдастырушылар.

Семинар барысында Артамонова Е.Н., х.ғ.к., доцент «Кәсіби қызметтегі педагогтың экологиялық құзіреттілігінің рөлі»; С. Сейфуллин атындағы Қазақ агротехникалық университетінің аға оқытушысы ., б.ғ.к., Кекильбаева Г.Р «С.Сейфуллин атындағы КазАТУ, «Топырақтану және агрохимия» кафедрасының профессорлық оқытушылар құрамының экологиялық құзіреттілігін арттыру жолдары»; Сибиркина А.Р., б.ғ.д., доцент, «Челябі мемлекеттік университеті» федералды мемлекеттік бюджеттік жоғары білім беру мекемесі, экология факультетінің деканы (қ. Челябинск) «Қоғам мен білім беруді экологияландыру»; Қасымова Ж.С., б.ғ.к., доцент «Химиялық пәндерді оқыту кезінде кейс-технологияларды қолдану арқылы педагогтардың экологиялық құзыреттілігін арттыру»; Мурзалимова А.К., аға оқытушы «ЖОО оқытушылардың экологиялық құзыреттілігін арттырудың тиімді жолдары» тақырыптарында баяндама жасады.

Сонымен қатар, аталмыш семинарға қатысушылар оқыту процесіндегі экологиялық тəрбие, ғылыми-техникалық прогресті дамытудың қажеттілігі, ақпарат құралдарының жəне экологиялық ұйымдардың басқа елдердің экологиялық тəрбие берудегі тəжірибелері тақырыптары төңірегінде келелі ойларымен бөлісті.