Театр, ғылым және технология — Шәкәрім университетінің бір платформасы.

1-2 сәуірде Астанадағы С. Сейфуллин атындағы Қазақ агротехникалық зерттеу университетінде Республикалық студенттік театрлар фестивалі өтті.   Жарқын, шығармашыл да талантты жастар труппалары бір сахнада тоғысып, әрқайсысы өзінің театрлық мектебін, сахна өнеріне деген көзқарасын паш етті. Шәкәрім университетінің «Қарагөз»  студенттер театры бұл жолы да қазылар мен көрермендердің назарын ерекше аударды.    Олардың сахнадағы өнері тек театрлық қойылым емес еді. Бұл — кейіпкерлерін бар болмысымен, жан-тәнімен сезіну, өнерге қалтқысыз берілу арқылы  залдағы көрермендердің әрқайсысының жүрегінде, жадында із қалдырған өркенді өнер болды.

«Қарагөз» студенттік театры бүгінде  Shakarim University қабырғасында туған мәдени феномен немесе гастрольдік ұжым емес, университеттің ішінде өмір сүріп, дамып жатқан экожүйе. Мұнда студенттер шығармашылық жағынан шыңдалады,   мұнда режиссер, ұжым кураторы жұмыс істейді,   ерекше костюмдер де осында, өз цехында тігіледі.

Сондықтан кезекті  жеңіс — Бас жүлде —  еңбектің, көркемдік тәжірибенің, шебер режиссураның, сосын, әрине, университет инвестициясының нәтижесі.

Ректор Думан Орынбековтың айтуынша, Shakarim University бүгінгі таңда студенттердің іс-әрекетінде, батылдығы мен идеясында сезілетін өзгерістерді мақтан тұтады. Бірақ жастардың даусы тек сахнадан шықпауы керек. Олардың үні  халықаралық зияткерлік платформаларда, технологиялық стартаптарда, хакатондарда, ғылыми форумдарда, соның ішінде Кремний, Силикон алқаптарындағы стартап-инкубаторлардан естілуі керек.   

Бұл – асқақ арманға қол созудан және өз идеяларын  іске асырудан қорықпайтын студенттердің, жас ғалымдардың, ойлы оқытушылардың, еркін шығармашыл жастардың дауысы.

Shakarim University-дің жаңа миссиясын осыдан көруге болады. Бұл – театр, ғылым, бизнес және технология өсіп-өркендеудің бірыңғай стратегиясына айналып, студенттердің таланты ішкі жан-дүниесінің қалауымен ашылатын экожүйе құру.

Айта кету керек, осы фестивальда «Қарагөз» студент жастар театрының  әртісі Эльназ Хамитова  «Ең үздік әйел бейнесі» аталымын иеленді!  Жас талантты өнер жолындағы айтулы жетістігімен құттықтай отырып, шығармашылық жолының жарқын болуына тілектестік білдіреміз!