Кез-келген бакалавриат студенті академиялық ұтқырлық бағдарламасы бойынша 2 курстың 1 семестрінен бастап оқи алады. Ол үшін 1 курстың көктемгі семестрінде Халықаралық ынтымақтастық орталығына құжаттарды тапсыру қажет.

Академиялық ұтқырлыққа арналған Ғылым және жоғары білім министрлігінің гранттарын тағайындау конкурсқа қатысу үшін ағылшын тілін білу қажет. Жарамды IELTS сертификатының болғаны жақсы, бірақ міндетті түрде қажет емес. Егер сізде халықаралық сертификат болмаса, Шәкәрім Университетінде тегін тілдік емтихан тапсыра аласыз. Оның нәтижелері конкурс үшін жарамды. Әдетте бұл емтихан IELTS форматында өткізіледі.

Түркия университеттерінде оқу үшін Түрік тілін В1 (Intermediate) деңгейінен төмен емес деңгейде білу қажет. Арнайы емтихандарды тапсыру қажет емес. Тілді білу кез-келген тілдік мектептен түрік тілі курсын аяқтағаны туралы сертификатпен расталуы керек (мөр сканерленбеген болу керек).