Қараша айының 27-29 күндері Семей қаласында қазақ күресінен Азияның абсолютті чемпионы Қуаныш Салықбаевты  еске алуға арналған Республикалық турнир өтті.  Осы жарыста Жаратылыстану ғылымдары жоғары мектебінің 1 курс студенттері Сұлтанбейбарыс Қайратұлы мен Қуатбек Қажыбек жүлделі орыннан көріне білді. 

Екеуі де 82 келі салмақ дәрежесінде сынға түсіп, Сұлтанбейбарыс Қайратұлы алтын медальға қол жеткізсе, Қуатбек Қажыбек қола медальді еншіледі. 

Дене шынықтыру және спорт кафедрасының аға оқытушысы Айбек Жұманбаевтың шәкірттері – спорт шеберлігіне үміткер қос палуан келесі жылы жастар арасында өтетін Қазақстан Республикасының чемпионатына қатысады.