Қазіргі таңда Shakarim University ғалымдары Kafkas University (Түркия) ғылыми тағылымдамадан өтуде. Бұл университет үшін ауыл шаруашылығы мамандарын даярлауға ерекше басымдық береді. Абай өңірі жер ресурстарына мол және ауыл шаруашылығында орасан зор әлеуеті бар болғандықтан, бұл кафедра университетте маңызды рөл атқарады.
«Негізгі мақсат - мал шаруашылығы саласындағы жетістіктермен және жұмыстармен таныстыру, тәжірибе алмасу және болашақта бірлескен ғылыми зерттеулерді нығайту. Бұл әріптестік өңірлердің аграрлық секторын дамытуға, мамандардың біліктілігін арттыруға ықпал ете отырып, білім көпірін нығайтуға мүмкіндік береді»,- деп атап өтті Shakarim University оқытушысы Балнұр Ахметова.
Айта кететін бір жайт, Shakarim University мен Kafkas University ынтымақтастығы 2022 жылы профессор Джихан Качардың студенттерге дәріс оқыған сәтінен басталды.
«Ветеринария» кафедрасының оқытушысы Дәулетбек Мұратбаев өзінің ғылыми жобасын Kafkas University ғалымдарымен бірлесіп іске асырса, «Ауыл шаруашылығы және биоресурстар» кафедрасының меңгерушісі Күлсара Нұржанова бірлескен ғылыми жобаның құрамына кіреді.
Бүгінгі таңда 550-ден аса маман даярлап шығарған кафедра студенттерді биоресурстарды тұрақты пайдалануға және басқаруға үйретеді (бұл өңірдің экологиялық әл-ауқаты, оның экологиялық теңгерімін қалпына келтіру үшін аса маңызды), ауыл шаруашылығында инновациялық әдістерді енгізуге көмектеседі, сол арқылы маңызды саланың өнімділігі мен тиімділігін арттыруға ықпал етеді.
Әзірленген білім беру бағдарламалары озық агротехнологияларды, егіншіліктің орнықты әдістерін зерделеуді, өсімдіктердің жаңа сорттарын және мал шаруашылығының тиімді әдістерін әзірлеуді қамтиды. Бұл агросекторда инновациялар мен ғылыми зерттеулерге ықпал етеді.
Осыған сәйкес Shakarim University аграрлық-өнеркәсіптік кешен үшін кадрлар даярлай отырып, ұлттық басымдықтар мен қажеттіліктерге сүйенеді, бұл өңірдің, жалпы елдің экономикалық және экологиялық әл-ауқаты үшін стратегиялық маңызды мәселе болып табылады.
