Shakarim University-де осындай атаумен университеттің мерейтойына арналған көрме ұйымдастырылды.
Көрме Семей қаласының бай тарихи және ғылыми мұрасын, сондай-ақ оның Қазақстан ғылымы, мәдениеті және білімінің дамуына қосқан зор үлесін айқындауға бағытталған.
Көрме экспозициясы бірнеше маңызды тақырыптық бөлімдерді қамтыды. Олар ұлттық сананы қалыптастыруға және Қазақстанның ғылыми прогресіне үлес қосқан көрнекті тарихи тұлғаларға арналған. Бұл бөлімде Шәкәрім Құдайбердіұлы, Абай Құнанбайұлы және өңірдегі ағартушылықтың негізін қалаған басқа да ойшылдардың мұраларына ерекше назар аударылған.
Бөлімдердің бір бөлігі Семейдегі білім беру мекемелерінің ғылым мен технологияның дамуына қосқан үлесін көрсетеді. Мұнда университеттердің Қазақстан ғылымын ілгерілетуге маңызды рөл атқаратын ғылыми әзірлемелері, зерттеу бағдарламалары және жетістіктері ұсынылған. Жекелеген стендтер халықаралық рейтингтерге, инновациялық шешімдерге және аймақтағы университеттер жүзеге асырған жобаларға арналған.
Ғылыми зерттеулер мен технологиялар саласындағы бағыттар көрме қонақтарын қазіргі заманғы зерттеулер және технологиялармен таныстырады.
Shakarim University-дің Қазақстанның экологиялық және әлеуметтік мәселелерін шешуге бағытталған жобаларына ерекше назар аударылған. Бұл жерде ауыл шаруашылығы технологиялары, медицина, инженерия және тұрақты даму саласындағы әзірлемелер көрсетілген.
Көрмеге Абай облысындағы іргелі оқу орындары, кітапханалар мен музейлер, архив ұжымы қатысты. Атап айтқанда, бай тарихи дәстүрлері қалыптасқан Семей медициналық университеті мен Alikhan Bokeikhan University, 120 жылдық тарихы бар М.Әуезов атындағы Семей педагогикалық колледжі, жақында ғана 100 жылдық мерейтойын атап өткен Шәкәрім атындағы көпбейінді №5 гимназия, ұлы ақын Абай Құнанбайұлы оқырманы болған Абай атындағы кітапхана мен тарихи жәдігерлер мен мұрағат құжаттарын сақтап, ұрпаққа аманаттап жеткізіп келе жатқан Абай музейі, тарихи-өлкетану музейі, облыстық архив, сонымен қатар ғасырға жуық тарихы бар Семей геологиялық-барлау колледжі бүгінгі көрменің мазмұнды өтуіне белсене атсалысты.
