2025 жылдың 2 сәуірінде Shakarim University-де  Ғылыми кеңестің кезекті отырысы өтті. Күн тәртібінде үш негізгі мәселе қаралды.

Бірінші мәселе бойынша «Тәрбиелік жұмыстың концепциясын жүзеге асыру: жастар саясаты мен студенттік өзін-өзі басқару» тақырыбында университеттің стратегия және әлеуметтік даму жөніндегі проректоры Асқар Қасымов баяндады. Талқылау барысында «Әлеуметтік кредит» пен «Интегралды GPA» жүйелерінің тиімділігінен бастап, ұйымдастырылатын іс-шараларға студенттік ұйымдардың (университетте жалпы 7000-ға жуық студенттің ішінде белсенді қатысушылар саны 524 адам,) толықтай тартылмауы сияқты маңызды әрі принципті мәселелер көтерілді.

Шәкәрім университетінің ректоры Думан Орынбеков есепті қорытындылай келе, өткен жылдардағы форматтың қазіргі жағдайда жарамсыз екенін атап өтті, өйткені бүгінгі күннің талаптары стратегиялық көшбасшылықты қажет етеді. Талдау барысында басшылар арасындағы байланыс әлсіздігі де назарға алынып, жұмыс барысында талқылануы тиіс мәселелер туындады.

Жастар саясатын  қайта жандандыру қажеттігіне баса назар аударылды, бұл жаңа модельдің өзегі болып, студенттердің менталдық дамуы мен өсуіне арналған цифрлық экожүйе болуы тиіс. Психологиялық қолдау, soft skills (жұмсақ дағдылар), мансаптық трекинг және мектептер арасындағы командалық қарым-қатынас жаңа модельдің негізгі құрамдас бөлігіне айналу керек.

Сондай-ақ, форматы мен университеттегі рөлін жаңғырту арқылы Ғылыми кеңестің қызметін өзгерту туралы көзқарас та айтылды. Бұл ретте жас ғалымдар өз жобаларының идеясын қысқаша таныстыруы (технопитч), жаһандық және өңірлік трендтерді талдау, білім алушылармен тікелей диалог және оқу орнының стратегиялық дамуына әсер ететін шешімдер ұсынуды тұрақты элемент ретінде  енгізу ұсынылды.

Ғылыми кеңес тек келісім органына айналмауы тиіс, ол университет пен өңір дамуының интеллектуалды локомотиві болуға тиіс,-  деп атап өтті ректор Думан Орынбеков.

Алдағы уақытта академиялық және студенттік қауымдастықтың барлық буындарының өздерін көрсетуіне, талдау қорытындысына, ашықтығына баса назар аудара отырып, Ғылыми кеңес тұжырымдамасын қайта жаңғырту жоспарланып отыр.