15 қарашада Абай атындағы қазақ музыкалық-драма театрында Shakarim University-дің 90 жылдығына арналған мерейтойлық іс-шара түйінделді. Түпкі мақсат – өткенді қастерлеу, болашаққа бағдар жасау.

Академиялық және ғылыми қауымдастық өкілдерін, құрметті қонақтар мен ресми тұлғалардың басын қосқан ауқымды іс-шарада университеттің білім беру, ғылым және мәдениет салаларына қосқан елеулі үлесі атап өтілді, сондай-ақ, университеттің аймақ пен ел үшін стратегиялық рөлі айшықталды.

Мерейтойлық іс-шаралардың шарықтау шегі ретінде Абай атындағы театрда өткен салтанатты кешті айтуға болады – бұл іс-шарада ұлы дәуір мұрасы қазіргі заманғы идеялармен, жаңашылдықпен үйлесім тауып, болашаққа нық сеніммен қадам басуды насихаттады.

Кештің негізгі жетекші күші болған Shakarim University студенттері, оқытушылар мен түлектер өз идеяларын әсерлі образдар мен терең мазмұнға айналдыра білді. Студенттер мен оқытушылардың салтанатты шеруі залды біртұтас біріктіріп, Қазақстан Республикасының Әнұранын бір деммен шырқауға себеп болды.

Салтанатты іс-шара құрметті қонақтардың сөз алуымен  жалғасын тапты. Мәжіліс Парламентінің спикері Мәулен Әшімбаев, ауыл шаруашылығы министрі Айдарбек Сапаров, туризм және спорт министрі Ербол Мырзабосыновтың атынан құттықтау хаттар оқылды.

Қазақстан Республикасының Ғылым және жоғары білім вице-министрі Дархан Ахмед-Зәки университетті министрдің атынан құттықтап, ғылым мен білім берудің тұрақты құндылықтары туралы айтты.

Абай облысы әкімінің орынбасары Жасұлан Сәрсебаев облыс әкімі Нұрлан Уранхаевтың құттықтау хатын оқып, Shakarim University-дің аймақ үшін маңыздылығы мен  жергілікті экономиканың дамуына қосқан үлесі атап өтілді. Университеттің бірқатар қызметкерлері мен ардагерлер түрлі марапаттармен мадақталды.

Shakarim University ректоры Думан Орынбеков оқу орнының қалыптасуына үлес қосқан ардагерлер мен бұрынғы ректорларға, атап айтқанда, Зейнолла Тоқаев, Жексенбек Әділов, Ерлан Сыдықов, Шәріпбек Әмірбеков, Меир Ескендіров, Бауыржан Ердембековтерге алғысын білдірді.

Лев Гумилев атындағы Еуразия ұлттық университетінің ректоры Ерлан Сыдықов өз кезегінде Думан Орынбековтің өңіріне «Лев Гумилев» медалін тақты.

Shakarim University-де бүгін мақтанарлық дүниелер де аз емес: бұл тарихи күнге ол ұлттық университеттер қатарына енген рейтингтегі жоғары көрсеткіштерімен жетті. Бұл жаңалық «Егемен Қазақстан» мен «Казахстанская правда» газеттерінде жарияланды.

Shakarim University-дің QS Stars халықаралық жүйесіндегі «жұлдызды» көрсеткіштері бес негізгі бағыт бойынша стандарттардың сапасын растайды: «Білім», «Жұмыспен қамту», «Басқару», «Әлеуметтік ықпал» және «Күшті бағдарлама». Университет QS Asia University Rankings 2025 рейтингінде бірден 100 орынға көтеріліп, Азиядағы үздік 501-520 университеттер қатарына енді. Әрбір көрсеткіш, әрбір жұлдыз Shakarim University-дің білім беру және ғылыми бастамаларды жүзеге асырудағы нақты платформа екенін айшықтайды.

Кештің ең есте қаларлық сәттерінің бірі — Уақыт капсуласын салтанатты түрде қою рәсімі болды. Тек экранның жарығымен жарықтандырылған қараңғы залда жүргізушінің қуатты даусы естілді. Уақыт капсуласы арт-перфомансы — өткен, қазіргі және болашақ арасындағы байланысты бейнелейтін символ ретінде студенттердің қойылымында ұсынылды, әрбір динамикалық қозғалыс жастардың амбициясын көрсетті.

Келешек ұрпаққа арналған жолдаулар Уақыт капсуласына салынды, ол университеттің ҒАСЫРЛЫҚ МЕРЕЙТОЙЫ қарсаңында – он жылдан кейін ашылатын болады.

Бұл салтанатты іс-шара университеттің 90 жылдығын тойлау қарсаңындағы іс-шаралар сериясының түйіні болып қана қоймай, ол Shakarim University-дің өткенімен сабақтастық, күш-жігер және трансформациясының символына айналды.