Shakarim University-дің 90 жылдық мерейтойы  Шәкәрім ескерткішіне гүл қоюдан бастау алды. Гүл қою рәсіміне академиялық қауымдастық өкілдері,университет басшылығы,  өңіріміздің зиялы қауым өкілдері мен БАҚ өкілдері қатысты. Олар Шәкәрім қалдырған рухани құндылықтардың маңыздылығын ерекше атап өтті.

Қазақтың ұлы ойшылы, ағартушысы Шәкәрімнің ескерткішіне гүл шоғын қою – оның қазақ мәдениеті мен ағарту ісіне  қосқан зор үлесіне бас иіп, тағзым етудің белгісі. Шәкәрім бүгінгі ұрпақты, оқытушылар мен студенттерді шабыттандыруын жалғастыруда. Ойшылдың идеялары қазіргі ұрпақ үшін тек мұра емес, шындыққа ұмтылу мен әрекет ету жолына бағыт беретін бағдарлама болып табылады.

Шәкәрім ойшылдың идеялары тек мұра ғана емес, ұстаздар мен студенттердің бүгінгі буынына жігер беріп, еңбек пен ақиқатқа ұмтылудың нұсқаушысы болып қала береді.

Бұл іс-шара Шәкәрімнің ұрпақтан ұрпаққа жеткен рухани бағыттаушы рөлін көрсеткен тағы бір айғақ болды. Университет оның есімін тек құрметтеп қана қоймайды — ол ұлы ойшылдың бізге қалдырған өсиеттеріне адал болып, білім беруді мәдениет, мораль және азаматтық жауапкершілік негізінде қалыптастырады.