Бүгін Шәкәрім Университетінің Психологиялық қызметі "Психология" кафедрасымен бірлесіп "Күйзелісті басқару. Менің оқуға қажетті ресурстарым" тақырыбында Гуманитарлық-экономика факультетінің 1-курс студенттеріне психологиялық тренинг өткізді.

Тренингтің негізгі мақсаты күйзеліс психологиясының негіздерімен теориялық тұрғыдан танысу ғана емес, сонымен қатар күйзелісті басқару тәсілдерін қалыптастыру, эмоционалдық интеллектіні дамыту болып табылады. Сондай-ақ стресстік жағдайда өзін-өзі реттеудің және өзін-өзі қалпына келтірудің тиімді әдістерін меңгеру және өзінің эмоционалдық жағдайын басқару болды.

Іс-шараға қатысқан студенттер техникаларды орындау барысында белсенділік танытты. Көкейінде жүрген сұрақтарына тұшымды да,толық жауап ала алды. Тренинг соңында студенттер іс-шара туралы өз әсерлермен бөлісіп, күйзелістен шығу жолдарын табу қабілетінің маңыздылығын атап өтті.