2025 жыл техникалық және кәсіптік білім беру жүйесін реформалауда, өз еңбегімен экономиканың негізін құрап, нақты құндылық жасайтын адамдардың маңыздылығын түсінуде бетбұрыс кезеңі болмақ.

Бұл туралы 2 қыркүйекте Қазақстан Республикасының Президенті Қасым-Жомарт Тоқаев өз Жолдауында айтқан болатын. 27 желтоқсанда Мемлекет басшысының Жарлығымен 2025 жыл «Жұмысшы мамандықтар жылы» деп жарияланды.

Осы тұрғыда Shakarim Higher College бұл өзгерістің алдыңғы қатарлы көшбасшыларының бірі болуға дайын екенін көрсетіп отыр.

Колледж заман талабына жауап беріп қана қоймай, оны қалыптастырады. Қазірдің өзінде мұнда аймақта сұранысқа ие мамандар даярлануда.

Неліктен Shakarim Higher College – көшбасшы?

Оқытудың  практикалық бағыты. Бұл – білім беру процесінде теориялық білімді практикада қолдану, студенттердің дағдыларын дамыту және нақты өмірлік жағдайларда білімдерін пайдалану мүмкіндігі.

Әрбір маманның еңбегін бағалау біздің қоғамымыздың дамуы үшін маңызды қадам екенін мұнда жақсы түсінеді.

Негізгі оқыту бағыттары:

Жұмысшы мамандықтары – тұрақты экономиканың негізі. Мұнда еңбек нарығында сұранысқа ие практикалық дағдыларды оқыту кезеңінде-ақ меңгеретін мамандар даярланады.

2025 жылға арналған негізгі дайындық бағыттары:

Аяқ киім құрастырушы, оқыту мерзімі: 1–3 ай.

Аяқ киім дайындаушы, оқыту мерзімі: 1–3 ай.

Мал шаруашылығы саласындағы жұмыс, оқыту мерзімі: 1–3 ай. (Практикалық базалар: ПК на ГКП «Семей Вет», ТОО «Горностай», ЖК «Капа»).

Ветеринарлық санитар, оқыту мерзімі: 1–3 ай.

Ауыл шаруашылығы жануарларын қолдан ұрықтандыру операторы, оқыту мерзімі: 1–3 ай.

Ауыл шаруашылығы өндірісінің тракторист-машинисі, оқыту мерзімі: 1–3 ай.

Аспаз, оқыту мерзімі: 1–3 ай.

Экскаватор машинисі, оқыту мерзімі: 1–3 ай.

Грумер, үй жануарларына күтім көрсету стилисі, оқыту мерзімі: 1–3 ай.

Бақылау және өлшеу құралдарына қызмет көрсету слесарі, оқыту мерзімі: 1–3 ай.

Маникюр шебері, оқыту мерзімі: 1–3 ай.

Шаштараз-стилист, оқыту мерзімі: 1–3 ай.

Колледжде сапалы білім беруді, практикалық дайындықты және еңбек нарығының сұраныстарына бейімделуді қамтамасыз етуге жағдай жасайтын жаңартылған инфрақұрылым, оқу базалары және заманауи техника бар.

«Ветеринарлық санитар», «Ауыл шаруашылығы өндірісінің тракторист-машинисі» немесе «Жануарларды қолдан ұрықтандыру операторы» сияқты бағдарламалар студенттерге оқу кезеңінде нақты жұмыс жағдайларында қажетті практикалық дағдыларды меңгеруге мүмкіндік береді. Аймақтың жетекші кәсіпорындарындағы практикалық базалар – бұл теория мен тәжірибенің арасындағы көпір.

Уақыт талабына бейімделу

Оқу бағдарламалары нарықтың өзекті қажеттіліктерін ескере отырып әзірленген. Бұл стандартты оқу курстары емес, 1–3 ай ішінде маманды еңбек қызметіне дайындайтын икемді, қысқа мерзімді бағдарламалар. Мұндай жылдамдық – нарыққа маман қажет болған кездегі уақыт талабының жауабы.

Бірегей бағыттар

Колледж басқа оқу орындарында сирек кездесетін бағдарламаларды жүзеге асырады: аяқ киім құрастырушы, аяқ киім дайындаушы, жануарларды қолдан ұрықтандыру операторы. Бұл мамандықтар шын мәнінде сұранысқа ие және түлектердің жұмыспен қамтылуына мүмкіндік бар.

Айқын стратегия және ұзақ мерзімді мақсат

Колледж қиындықтардан қорықпайды. Президенттің Жолдауында және Жарлығында қойылған міндеттер – нақты әрекет жоспары. Мемлекет басшысының 2025 жылды «Жұмысшы мамандықтар жылы» деп жариялауының астарында еңбек адамдарына лайықты мәртебесін қайтару мәселесі мен  маңдай термен табыс тауып жүрген жұмысшы мамандарды қоғамда дәріптеу міндеті тұр.

"Жұмысшы мамандықтар жылы" қандай мәнге ие?

Ең алдымен, еңбек адамдарына құрмет.  Еңбекті құрметтемей, кадр даярлауға жағдай жасамай, тұрақты экономика құру мүмкін емес. Бұл да қарапайым еңбек адамдарының  еңбегін бағаламай келе жатқан қоғамға сын. Бірақ біздің болашағымызды қамтамасыз ететін осы адамдар.

2025 жыл – нақты әрекет уақыты. Shakarim Higher College сұранысқа ие мамандарды даярлай алатындығын дәлелдеді, енді оның алдында бұл деңгейден төмендемей, жұмысын ширата түсу міндеті тұр.

Жұмысшы мамандықтары – экономиканың негізі. Бұл кадрлардың қалай дайындалатынына байланысты аймақтың, демек, елдің болашағы шешіледі.