Көрме және оның маңызы
Көрмеге қатысу – Қазақстанның жоғары оқу орындары, соның ішінде Shakarim University сияқты аймақтық университеттер үшін стратегиялық қадам. Ол халықаралық деңгейге шығу, жетекші білім беру мекемелерімен байланыс орнату және өңірлердегі жоғары оқу орындарының алдында тұрған өзекті мәселелерге шешімдер іздеуге мүмкіндік береді.
Бірінші күн іс-шаралар бағдарламасымен танысуға арналды. Shakarim University алғаш рет осындай ауқымды халықаралық көрмеге қатысу мүмкіндігіне ие болды. Сонымен қатар, аймақтық университеттердің ерекшелігін атап өткен жөн. Мұны бірегей жағдай деуге де болады: қазақстандық жоғары оқу орындарын қуып жетіп қана қоймай, аймақтық ерекшеліктерді ескере отырып, өз инновациялық әдістерін іздеу, ұсыну қажет. Көрмелер, ең алдымен, ғылыми-білім беру саласы қызметін жаңартуға негіз болатын халықаралық байланыстарды орнатудың маңызды түрлерінің бірі болып табылады.
BETT 2025-тің ашылуы. Бұл аймақтық университеттер үшін неге маңызды?
Бірінші күні министр Саясат Нұрбек білім беру саласындағы цифрландыру, академиялық мобильділік және технологияларды интеграциялау сияқты негізгі міндеттерді белгіледі. Аймақтық университеттер үшін бұл түлектердің жергілікті аймақтарда қалуына мүмкіндік беретін жағдай жасау қажеттігін білдіреді.
Shakarim University ректоры атап өткендей, университет IT шешімдерін аймақтар мен үлкен қалалар арасындағы білім алшақтығын жою құралы ретінде көреді. Болашақта Lenovo, Microsoft және Google сияқты компаниялармен байланыс орнату жаһандық нарыққа маман даярлауға мүмкіндік беретін шешімдерді оқу процесіне енгізуге септігін тигізетіні сөзсіз. Көрме жұмысының қорытындысы бойынша Думан Орынбеков шағын талдау жасады, оны төменде келтіреміз.
Аймақтық университеттерге көрме не береді? Әрине, халықаралық білім нарығына шығу мүмкіндігін. Жаһандық білім беру экожүйесінің бөлігі ретінде өз орнын айқындау мүмкіндігі. Жаңа технологиялар мен шешімдерге қол жеткізу. Әлемдік көшбасшылардың тәжірибесін аймақтық университеттерге әкелу. Стратегиялық серіктестікті дамыту. Шетелдік университеттер, корпорациялар мен сарапшылармен байланысты нығайту, технологияларды интеграциялау.
Тікелей пайдасы қандай? Алдыңғы қатарлы білім беру технологияларына қол жеткізу, оның ішінде шалғай аймақтардағы студенттер үшін қашықтықтан оқу курстарын әзірлеу; оқытуды жеке ұйымдастыру үшін жасанды интеллект (AI) платформаларын енгізу; рутинді процестерді автоматтандыру және оқытуды дербестендіру үшін AI шешімдерін пайдалану; студенттердің практикалық дағдыларын арттыру үшін виртуалды зертханалар мен симуляторлар жасау; студенттердің жеке қажеттіліктеріне бейімделген жеке оқыту, оқу үлгерімін бағалауға мүмкіндік беретін деректерді талдау құралдары; оқытуды жергілікті кәсіпорындардағы практикалық тағылымдамалармен, жергілікті нарықтағы жұмысқа бірден кіруге дайын студенттерді даярлаумен ұштастыра отырып, дуальды білім беру бағдарламаларын әзірлеу.
Цифрландыру үшін инфрақұрылым құру. Виртуалды шындық (VR) және кеңейтілген шындық (AR) технологияларын қолдана отырып, оқу ғимараттарын жаңғырту. «Ақылды кампустарды» енгізу, процестерді толықтай цифрлық басқару.
Қосымша артықшылықтар. Аймақтық экономика үшін кадрлар даярлау. Аймақтың нақты қажеттіліктеріне бағытталған оқу бағдарламаларын әзірлеу. Аймақтық университеттердің бәсекеге қабілеттілігін арттыру. Университеттің ұлттық және халықаралық рейтингтердегі орнын нығайту. Инвестиция тарту. Халықаралық компаниялармен байланыс орнатып, ғылыми жобаларды іске асыруға қаржы тарту. Мен есеп беруімде халықаралық көрмелерге қатысу қажеттігін айтқан болатынмын. BETT 2025 көрмесі Shakarim University-ге жаңа деңгейге шығуға мүмкіндік береді. Көрмеге қатысу тек озық тәжірибені үйренуге ғана емес, сонымен қатар, технологияларды білім беру процесіне интеграциялау маңыздылығын түсінуге де мүмкіндік береді. Бұл аймақтық университеттердің Қазақстанның білім беру экожүйесінің бір бөлігі болып, сонымен қатар, аймақтардың дамуына қосатын өзіндік рөлін сақтап қалуы үшін жасалған алғашқы қадам.
QS және Times Higher Education (THE) ұйымдарымен ынтымақтастық. Қазақстан университеттері халықаралық рейтингтерге кіруге ұмтылады. Олардың көпшілігі әлемде лайықты орын алады. Алайда, аймақтық университеттер үшін тек академиялық талаптарға сәйкес келу ғана емес, аймақтық ерекшеліктерді ескеру де маңызды. Осы ретте, Shakarim University, басқа да осындай деңгейдегі университеттер сияқты, екі еселенген сынаққа тап болады. Бір жағынан, ол жаһандық деңгейде бәсекеге қабілеттілігін көрсетуі керек, ал екінші жағынан — өзінің орналасу ерекшеліктерін сақтап, жергілікті қоғамның сұранысына жауап беруі тиіс.
QS және THE ұйымдарымен ынтымақтастық не үшін қажет?
Иә, 2024 жылы біздің позицияларымыз айтарлықтай нығайды, алайда танымал халықаралық рейтингтік агенттіктермен ынтымақтастық, әрине, бәсекеге қабілеттілікті арттырады. Біз шетелдік студенттерді тарту, академиялық ұтқырлық бағдарламаларын кеңейту, өңірлік үлесті есепке алу, университеттің өңірді дамытудың қозғаушы күші ретіндегі орнын айқындау мақсатында рейтингтердегі позицияларды күшейту стратегиясын әзірлеумен барынша айналысатын боламыз.
Қажетті шаралар жергілікті кәсіпорындармен интеграцияланған білім бағдарламаларын құруды күшейтуді, өңірлік проблемалармен байланысты зерттеулерді қолдауға ресурстар бөлуді, биылғы жылы университет нені көздейтінін, жаһандық білім беру бастамаларына белсенді қатысу арқылы халықаралық имиджді нығайтуды қамтиды.
Ұлыбританияның аймақтық университеттері Қазақстанның аймақтық университеттеріне үлгі.
Shakarim University Cardiff University және Queen's University Belfast сияқты университеттерді аралаудан маңызды сабақ алды. Бұл университеттер аймақтық университеттердің шектеулі ресурстар жағдайында қалай жұмыс істейтінін көрсетеді. Бұл жергілікті экономиканы қолдау үшін зерттеулер мен білім беру бағдарламаларын қалай біріктіруге болатындығының мысалы.
Болашақта Shakarim University үшін осындай университеттермен ынтымақтастық студенттерді қолдау модельдерін алуға, қолданбалы зерттеулер мен дуальды білім беру бағдарламаларын құруға мүмкіндік береді.
Нені үйрену керек? Аймақтық экономикаға қолдау көрсету үшін қолданбалы зерттеулерді интеграциялау. Жергілікті нарықтың қажеттіліктеріне бағытталған дуальды білім беру бағдарламаларын жасау. Университеттерді инновациялар мен технологиялық стартаптардың орталығына айналдыру.
Shakarim University көптеген жылдар бойы халықаралық серіктестерімен бірлесіп ғылыми жобаларды әзірлеу, студенттерді халықаралық тәжірибеден өткізу бағытында байланыстар орнатып келеді. Аймақты тұрақты дамытуға бағытталған білім беру бағдарламаларына басымдық беруде. Алайда, алда көптеген мәселелер бар, оларды құрылымдай отырып шешу қажет.
Heriot-Watt университеті — Shakarim University үшін үлгі. Heriot-Watt университеті қолданбалы зерттеулер мен өнеркәсіппен тығыз ынтымақтастық орнату арқылы танымал. Бұл тәжірибе Shakarim University үшін пайдалы, өйткені университет осындай модельдерді ғылыми және білім беру бағдарламаларын дамытуда қолдана алады.
Тікелей пайдасы. Әлемнің аймақтық университеттерімен бірлескен ғылыми жобаларды әзірлеу. Аймақтарды тұрақты дамыту бойынша тәжірибе алмасу. Халықаралық тәжірибеден өту арқылы жергілікті еңбек нарығына кадрлар даярлау.
Аймақтарға қатысты сын-қатерлер инвестиция тарту, талантты студенттер мен оқытушылардың аймақта қалуын қамтамасыз ету, ғылым мен бизнесті интеграциялау үшін инфрақұрылым құруда жатыр.
Қорытынды
BETT 2025 көрмесі Shakarim University үшін әлемдік көшбасшылардың тәжірибесін игеру және дұрыс бағытта алға жылжып келе жатқанын тағы да растау мүмкіндігі болды, бірақ әлемдік көшбасшылардың тәжірибесін жаңа даму мақсатын айқындаумен үйлестіру қажет. Аймақтық университеттер, оның ішінде Shakarim University, жергілікті қауымдастықтардың трансформациясында басты рөл атқарады. Біздің міндетіміз — жаһандық стандарттарға бейімделу емес, өзіміздің бірегейлігімізді сақтай отырып, аймақтың тұрақты дамуын қамтамасыз ететін қозғаушы күшке айналу.
