Құрметті қызметкерлер, оқытушылар және білім алушылар!

Шәкәрім университеті экологиялық мәдениетті қалыптастыру және жасыл болашаққа үлес қосу мақсатында 19 қыркүйек күні «Green Transportation Initiatives» бір күндік акциясын ұйымдастырады.

Іс-шараның мақсаты – «Таза Қазақстан» акциясы аясында университетіміздің қызметкерлері мен білім алушылары экологияға үлес қосып, зиянды шығындарды азайтуға бағытталған бір күндік акцияны жүзеге асыру.

Акция аясындағы бағыттар:

Велосипедпен жүруді насихаттау;

Жаяу жүру мәдениетін дамыту және белсенді өмір сүру салтын ұстану;

Қоғамдық көлікті тиімді пайдалану мәдениетін арттыру;

Бұл бастама экологиялық жағдайды жақсартумен қатар, салауатты өмір салтын қалыптастыруға септігін тигізеді.

Шәкәрім университеті баршаңызды табиғатты аялауға, қоршаған ортаға жанашырлықпен қарауға, таза әрі жасыл болашаққа үлес қосуға шақырады!