Жыл  қорытындыланар сәтте Shakarim University-ге Астанадан қуанышты жаңалық жетті.   "Жоғары оқу орнының үздік оқытушысы – 2024" Республикалық байқауы мәресіне жетіп, конкурстық комиссия жеңімпаздардың есімдерін жариялады.

Байқауда еліміздің 38 ЖОО-ның 150 оқытушысы жеңімпаз атанса, солардың қатарында  Shakarim University-дің үш бірдей оқытушысы бар.  Олар: Ерлан Жарықбасов (Тамақ инженериясы зерттеу мектебі), Ғайнигүл Исмаилова (Филология жоғары мектебі), Зарина Сәтбаева (Физика және химия ғылымдары зерттеу мектебі).

Байқау жеңімпаздарының әрқайсысына 2000 АЕК мөлшеріндегі сыйақыдан бөлек,  «ЖОО-ның үздік оқытушысы-2024» төсбелгісі беріледі.

Оқытушы мамандығының беделін арттыру және оларды  кәсіби дамуға ынталандыру мақсатында дәстүрлі түрде өткізілетін байқауға еліміздің 90 жоғары оқу орнынан барлығы 946 үміткер қатысқан екен. Конкурста электрондық оқу ресурстарын, оқу материалдарын әзірлеу және жариялау, отандық және халықаралық журналдардағы ғылыми жарияланымдар, өнертабысқа патенттердің болуы және т. б. сияқты көрсеткіштер бағаланған. Сондай-ақ, үміткердің оқыту сапасы, оның бакалавриат, магистратура және докторантурада кадрлар даярлау жөніндегі жұмысы да сарапқа салынған.

Әріптестерімізді айтулы жетістіктерімен құттықтаймыз!