Шәкәрім шаңырағында профессор-оқытушылар құрамы мен білім алушылардың стартап жобаларын қаржыландыру іске асырылады.

Осындай жобалардың бірі – «Технологиялық жабдықтау және машина жасау» кафедрасының қауымд.профессоры, техника ғылымдарының кандидаты Надир Ибрагимовтың 3D-принтерді әзірлеу жобасы. Қаржыландыру сомасы 3 000 000 теңгеден асады.

3D принтерге арналған шыбық пластикалық бөтелкелерді сызу машинасында қайта өңдеу арқылы дербес жасалады. Бұл технология PET пластиктен жасалған пластикалық бөтелкелерді екінші рет пайдалануға мүмкіндік береді, бұл тек ақысыз ғана емес, сонымен қатар 3D принтерлерде басып шығаруға арналған пластикалық шыбықты өндірудің шексіз көзі болып табылады. Технологияның артықшылығы пластикалық ыдыстарды жою мәселесін шешуге көмектеседі.

Шәкәрім университетінің базасында 3D басып шығару желісін құру болашақ инженер-механиктердің, сондай-ақ технологтардың, химиктердің назарын аударуға мүмкіндік береді. Бұл студенттердің шығармашылық қабілеттерін дамытудың жаңа деңгейі. Дайын өнімді сатып алудың немесе тұтынудың орнына, олар өз қажеттіліктерін анықтайтын, шешімдерді табатын өнертапқыштарға айналып, алған білімдері мен техникамен жұмыс істеу дағдыларын шығармашылықпен үйлестіреді. Оқу үрдісінде 3D-принтерді белсенді қолдану университет студенттерінің шығармашылық қабілеттерін дамытуға және олардың қажетті кәсіби құзыреттіліктерін қалыптастыруға ықпал етеді.